Tuesday, July 22, 2014

0
TAARIFA RASMI YA MTOTO ALIYENYONGWA NA KUTUPWA KISIMANI WILAYANI KAHAMA

Mtoto wa kike anayekadiriwa kuwa na wiki tatu amekutwa amefariki dunia baada ya kunyongwa na kutupwa na mama yake katika kisima kilichopo mtaa wa Nyasubi wilayani Kahama katika Mkoa wa Shinyanga.

Akithibitisha kutokea kwa tukio hilo Kamanda wa polisi mkoani Shinyanga Justus Kamugisha amesema tukio hilo limetokea jana asubuhi mjini kahama.

Kamanda Kamugisha amesema mama wa mtoto huyo Rhoda Idedemya (18) mkazi wa Nyasubi ametenda tukio hilo na kujaribu kutoroka kabla ya kukamatwa na jeshi la polisi akiwa ndani ya gari la abiria liendalo Runzewe.
Mama wa mtoto huyo Rhoda Idedemya akiwa katika kituo cha polisi Kahama baada ya kukamatwa.
Mama mlezi wa mtuhumiwa aliyejitambulisha kwa jina la Christina au mama paulo amesema ameishi na mtuhumiwa huyo toka akiwa na ujauzito baada ya kumuomba hifadhi mpaka alipojifungua wiki tatu zilizopita.

Amesema Rhoda amekuwa na tabia ya kuondoka nyumbani na kumuacha mtoto zaidi ya masaa matano,na baada ya kukemewa alikiri kutorudia.

Christina amesema, hii leo akiwa kazini kwake,Rhoda alimfuata na kumuaga kuwa anakwenda Runzewe kwa kaka yake, na kwamba mtoto amempeleka kwa baba yake anayeishi mhungula hali iliyompa wasiwasi na kufuatilia hadi alipokutwa ndani ya gari la abiria liendalo runzewe.

Mwili wa mtoto huyo umehifadhiwa katika hospital ya wilaya ya kahama, na mtuhumiwa anashikiliwa na jeshi la polisi hadi uchunguzi utakapo kamilika. 
 Kisima alichotupwa mtoto huyo
Majirani wakiwa katika nyumba aliyokuwa anaishi mama wa mtoto huyo
BONYEZA HAPA KWA HABARI KAMILI>>>

0
AMINA MAIGE ANAYESHTAKIWA KWA KUMG'ATA MFANYAKAZI WAKE WA NDANI ASHINDWA KUFIKA MAHAKAMANI LEO

Kesi inayomkabili Amina Maige kwa kosa la kumng'ata na kumchoma kwa pasi mfanyakazi wake wa ndani Yusta Lucus miaka ishiriani haikuweza kusikilizwa na mahakama ya kinondoni baada ya mtuhumiwa kutofika mahakamani hapo.

Kesi hiyo inayomkabili Bi Amina Maige imeshindwa kuoendelea kama ilivyopangwa licha ya mashahidi wawili pamoja na mwathirika wa tukio hilo kufika mahakamani hapo kwa madai kuwa mshtakiwa mgonjwa ambapo wadhamini wa mtuhumiwa walihudhuria makahamani hapo.
 
Hakimu mkazi Flora Mtarania ameahirisha kesi hiyo hadi tarehe 13 Agusti mwaka huu.
 
Wakati huo huo kesi ya wizi wa mamilioni ya shilingi katika benki ya Barclays inayowakabili washtakiwa 12 wakiwemo washtakiwa wawili wanaotuhumiwa kuhusika katika mauaji ya Mtawa wa kanisa katoliki imetajwa katika mahakama ya kisutu jijini Dar es salaam.
 
Washatakiwa hao wamepandishwa kizimbani mbele ya hakimu mkazi wa mahakama ya kisutu Nyigulila Mwaseba wakituhumiwa kwa kesi ya unyang`anyi wa kutumia silaha na wizi wa shilingi milioni mia tatu tisini nukta mbili,dola 55 elfu za kimarekani na yuro elfu mbili mia moja na hamsini katika bank ya Barclays tawi la kinondoni ambapo kesi hiyo imeahirishwa hadi August 05,mwaka huu.
BONYEZA HAPA KWA HABARI KAMILI>>>

0
WANANCHI WAWATIMUA VIONGOZI WA CCM KWENYE MKUTANO WILAYANI RUNGWE

WANANCHI wa Kata ya Kambasegela wilayani Rungwe mkoani hapa, wamewafukuza viongozi wa Jumuiya ya Wazazi ya CCM wa kata hiyo walipotaka kufanya mkutano wa hadhara ili kuimarisha chama chao.

Akizungumza mwishoni mwa wiki katika ziara ya Mwenyekiti wa Jumuiya ya Wazazi Mkoa wa Mbeya, Fatuma Kasenga, Katibu wa jumuiya hiyo Kata ya Kambasegela, Frank Mwansasu, alisema wananchi walimtimua yeye na msafara wake kwa madai kwamba waliahidiwa maji zaidi ya miaka kumi sasa bila kupatiwa.

“Mwenyekiti, kero yangu kubwa ni kwamba, mimi na wenzangu tulifukuzwa na wananchi tusifanye mkutano wa hadhara wakati wa ziara yetu ya kata, wananchi wanasema waliahidiwa maji, lakini hawajapelekewa mpaka hivi sasa,” alisema Mwansasu.

Akijibu kero hiyo, Mwenyekiti Kasenga, alisema hayo ni matokeo ya baadhi ya viongozi kutowajibika vema katika nafasi zao.

Alisema suala hilo limemsikitisha, na kwamba yeye na msafara wake watalifikisha kwa Mwenyekiti wa CCM Mkoa wa Mbeya, Godfrey Zambi, ili kulipatia ufumbuzi.

Akiwa katika ziara hiyo, mwenyekiti huyo alipokea kero nyingine kwa baadhi ya wananchi wa Kata ya Nkunga, ambao walimwambia kuwa chama hicho kinachukiwa kwa udhaifu wa baadhi ya viongozi wake.

Wananchi walisema kata hiyo ina uhitaji wa umeme, na kwamba katika Kijiji cha Ibililo, kuna msigano wa viongozi, jambo ambalo linasababisha kutopatikana kwa maendeleo ya kijiji.

“Jitokezeni kwenye marekebisho ya daftari la kudumu la mpiga kura na ukifika wakati wa uchaguzi, wazee, vijana na wanawake wanaofaa wapeni nafasi wagombee,” alisema Kasenga.
BONYEZA HAPA KWA HABARI KAMILI>>>

0
SERIKALI YAPEWA "BIG UP" KWA KUYANG'OA MABANGO YA WAGANGA WA KIENYEJI

CHAMA cha Utabibu wa Dawa Asili (ATME) Mkoa wa Dar es Salaam, kimepongeza hatua ya serikali kuanza kuyang’oa mabango ya waganga wa kienyeji na kuomba ushirikiano zaidi, ili kufanikisha zoezi hilo  nchini.

Akizungumza na waandishi wa habari Jijini Dar es Salaam mwishoni mwa wiki, Mwenyekiti wa ATME Mkoa wa Dar es Salaam, Rafael Nyampiga, alisema zoezi hilo litakapomalizika jijini Dar es Salaam, waratibu wa ATME, viongozi wa serikali kutoka manispaa zote  watakutana, ili kujadili changamoto na hatua zaidi za kufanya kufanikisha jambo hilo.

Nyampiga alisema zoezi hilo limeanzia kwa sasa limeanzia Wilaya ya Temeke, kubaini waganga 30 wanaofanya kazi kinyume na sheria na kusema kuwa wanaamini kama watashirikishwa vilivyo watakamatwa wengi zaidi.

“Sisi ndio tunaishi na watu hawa na tunajua mbinu zao zote za ufanyaji kazi kwa utapeli, lakini kama mnavyojua sisi wenyewe au serikali yenyewe haiwezi kufanikiwa bila ushirikishwaji wa karibu wa pande zote mbili,”alisema.

Katika hatua nyingine, alikiri baadhi ya namba zinazowekwa kwenye mabango huwa hazipatikani, lakini kwa kutumia wateja wao waganga wanaofanya kazi kwa utapeli ni rahisi kukamatwa.
BONYEZA HAPA KWA HABARI KAMILI>>>

0
WATU 8 WATIWA MBARONI KUHUSIANA NA SAKATA LA VIUNGO VYA BINADAMU VILIVYONASWA DAR



Kamanda wa Polisi Kanda Maalum ya Dar Es Salaam,Suleiman Kova akizungumza na Vyombo vya habari mbalimbali mapema leo makao makuu ya jeshi la polisi jijini Dar kuhusiana na sakata la viungo vya binadamu vilivyokamatwa jana ambapo Kamanda Kova amesema kuwa watu wanane wamekamatwa kuhusiana na tukio hilo.

 Kamanda Kova amesema kuwa jopo la Wataalamu saba limeundwa kuchunguza tukio hilo na amethibitisha kuwa viungo vile vilikuwa ni vya maiti,ambavyo hutumika na madaktari kwa elimu ya matibabu na utafiti.
BONYEZA HAPA KWA HABARI KAMILI>>>

0
WAKAMATWA WAKIWA NA MABOMU 7 RISASI 6 NA BARUTI JIJINI ARUSHA




JESHI la polisi hapa nchini limefanikiwa kuwatia mbaroni vinara wa milipuko ya mabomu hapa nchini, Yusufu Ally (30) na mkewe Sumaina Juma (19), wakazi wa Sombetini, wakiwa na mabomu ya kurusha kwa mkono aina ya Gurnet saba, risasi sita za shotgun, baruti, mapanga mawili na bisibisi moja. 

Akizungumza na waandishi wa habari mjini hapa, Mkurugenzi wa Upelelezi wa Makosa ya Jinai (DCI), Isaya Mngulu, alisema kati ya mabomu hayo moja limetengenezwa nchini Ujerumani na sita yametengenezwa Urusi.
 
Alisema watuhumiwa hao walikamatwa jana saa 2 usiku katika eneo la Sombetini mjini hapa baada ya jeshi la polisi kupata taarifa juu ya watuhumiwa hao kuhusika na matukio ya milipuko ya mabomu.
 
Mtaalamu wa mabomu kutoka Jeshi la Polisi akionyesha kwa waandishi wa habari moja ya bomu lililokamatwa.
 
Aliongeza kuwa polisi inamtafuta kinara muhimu wa mabomu, Yahaya Hussen Hela (35), mkazi wa Mianzini jijini hapa, huku watuhumiwa wengine 25 akiwemo mfanyabiashara maarufu jijini hapa anayemiliki mabasi ya Kandahal Said Temba (42), pamoja na Imamu wa Msikiti wa Masjidi Qubia, Japhal Lema (38) ambaye pia ni mwalimu wa shule ya msingi wilayani Arumeru wakishikiliwa kuhusisana  matukio ya mabomu.
 
Miongoni mwa watuhumiwa hao, sita kati yao wanahusishwa na tukio la ulipuaji wa mgahawa wa Vama uliotokea Julai 7, mwaka huu,na kusababisha majeruhi wanane raia wenye asili ya Kiasia.
 
Watuhumiwa sita wa mlipuko huo wametajwa kuwa ni Shabani Hussen (38)ambaye alikuwa mlinzi katika mgahawa huo, Mohamed Nuru (30) mlinzi wa mgahawa wa jirani na tukio, Japhari Lema (38), Abdul Mohamed (31), wakala wa mabasi stand pamoja na Said Temba (42), wote wakazi wa jijini Arusha.
 
Mngulu alisisitiza kuwa polisi inaendelea kuwasaka wahuhumiwa wengine zaidi na kwamba jeshi hilo limeahidi kutoa zawadi kwa atakayeweza kutoa taarifa za siri zitakazowezesha kupatikana kwa wahusika hao.

Credit: Global publisher.
BONYEZA HAPA KWA HABARI KAMILI>>>

0
MKE WA POLISI AFIA NYUMBANI KWA DEREVA BODABODA




Jeshi la Polisi linamshikilia dereva mmoja wa pikipiki, maarufu kama bodaboda wilayani Mwanga mkoani Kilimanjaro baada ya mke wa askari polisi kukutwa amekufa chumbani kwa dereva huyo. 
 
Tukio hilo ambalo limezua gumzo kubwa wilayani humo lilitokea juzi saa 12:00 jioni katika eneo la New Mwanga wilayani humo na mtuhumiwa akidaiwa kukutwa akiwa amelewa chakari.
 
Mkuu wa Wilaya ya Mwanga, Shaibu Ndemanga amethibitisha kuwapo kwa tukio hilo na kusema uchunguzi unaendelea.
 
“Hilo tukio lina ukweli na bahati mbaya sana mumewe ndiyo kwanza amehamishiwa Geita na alikuwa akaripoti halafu aje kuchukua familia yake,” alisema Ndemanga.
 
Mkuu huyo wa wilaya ambaye pia ni mwenyekiti wa kamati ya ulinzi na usalama ya wilaya hiyo, alisema hadi sasa haijafahamika nini kilitokea na kwamba hilo ni moja kati ya mambo ambayo polisi inachunguza.
 
“Hayo yote kwamba ilikuwaje akawa chumbani kwa huyo kijana, nini sababu za kifo yatajulikana kadiri upelelezi unavyoendelea,” alisema.
 
Imeelezwa kuwa jana ilikuwa siku ya askari huyo kuripoti katika kituo chake kipya cha kazi.
 
“Mpaka sasa hivi haijajulikana nini hasa kilitokea huko chumbani na ilikuwaje akawa chumbani kwa huyo dereva,” alisema mmoja wa watu waliokuwapo katika eneo la tukio ambaye hata hivyo, hakutaka kutaja jina lake na kuongeza kuwa jana saa sita mchana, mwili wa mwanamke huyo ulichukuliwa kutoka Hospitali ya Wilaya ya Mwanga na kuhamishiwa Hospitali ya Rufaa ya KCMC kwa uchunguzi.
 
Taarifa za awali zinasema kuwa mwili wa marehemu ulikuwa na mikwaruzo shingoni hali inayotia shaka kuwa huenda alinyongwa.
 
Habari nyingine zinadai kuwa siku ya tukio, mwanamke huyo alikuwa ameaga kuwa anakwenda kanisani lakini baadaye simu yake ilipopigwa ilikuwa ikipokewa na mwanamume.
 
Ilidaiwa kuwa mume wa marehemu alipojaribu kupiga simu ya mkewe, ilikuwa ikipokelewa na mtu aliyeonekana kuwa ni mlevi wa kupindukia hali iliyomtia wasiwasi na kuamua kuwapigia simu marafiki zake wa karibu ili wamsaidie kumtafuta ndipo walipopata taarifa kuwa ulikuwapo uhusiano kati ya shemeji yao na dereva huyo wa bodaboda.
 
Ilidaiwa kuwa marafiki hao walikwenda moja kwa moja nyumbani kwa dereva huyo wa bodaboda ambako walimkuta akiwa amelewa na walipoingia ndani walimkuta shemeji yao akiwa ameshafariki dunia.

Kamanda wa Polisi Mkoa Kilimanjaro, Robert Boaz hakupatikana jana kuzungumzia tukio hilo kwa kuwa alikuwa kwenye ziara ya Waziri Mkuu, Mizengo Pinda huko Gonja wilayani Same. 

Credit: Mwananchi
BONYEZA HAPA KWA HABARI KAMILI>>>

0
SIKILIZA TAMKO LA JESHI LA POLISI KUHUSIANA NA VIUNGO VYA BINADAMU VILIVYOKAMATWA JIJINI DAR


Polisi wa kituo kidogo cha polisi Usalama kilichopo maeneo ya Bunju A Manispaa ya Kinondoni jijini Dar es Salaam jana usiku walilazimika kufyatua mabomu ya machozi pamoja na risasi kutawanya kundi kubwa la wananchi waliokuwa wamekizunguka kituo hicho kwa madai ya kutaka kuwachukuwa watuhumiwa wanaoadaiwa kukutwa na shehena ya viungo vya binadamu.
 
Tukio hilo lililoibua hofu kubwa miongoni mwa wananchi wa maeneo hayo na jiji la Dar es Salaam kwa ujumla, lilitokea majira ya jioni mara baada ya wananchi kushuhudia gari ndogo aina ya Suzuki Carry, ikiwa imebeba viungo hivyo ambavyo vinakadiliwa kuwa vya watu zaidi ya 100.
 
Awali,  kulisambaa taarifa kuwa katika eneo la dampo Mpiji kuna viungo vya binadamu ambapo wananchi walitoa taarifa katika kituo cha polisi Usalama ambapo ufuatiliaji wa tukio hilo ulianza mara moja kabla ya kukamatwa kwa gari hiyo.
 
“Awali tulikwenda kule dampo kwa ajili ya kutupa takataka lakini tuliona viongo vya binadamu tukaja kutoa taarifa polisi na muda mfupi tuliiona ile gari iliyomwaga viungo hivyo ikipita tena kwenda kumwaga vingine na ndipo tulipoifuatilia na bodaboda na baadae kukamatwa na polisi.” Alisema shuhuda wa tukio hilo.
 
Wakaendelea kutabanaisha kwamba, mara baada ya kuona wamezingirwa baadhi ya watuhumiwa walikimbia na kumwacha dereva ambaye alikamatwa na polisi wa kituo hicho cha Bunju A.
 
Mwanahabari wetu ambaye alifika eneo hilo la tukio muda mfupi tangu kutokea kwa tukio, alishuhudia umati mkubwa wa wananchi wa rika mbalimbali wakiwa kituoni hao kwa lengo la kushuhudia tukio hilo.
 
Akizungumza na  waandishi wa habari, Kamanda wa Polisi Mkoa wa Kipolisi Kinondoni, Camilius Wambara, amethibitisha kutokea kwa tukio hilo na kubainisha kwamba jeshi lake limekamata viungo hivyo vya binadamu na kwamba tayari wamevipeleka katika hospitali ya Taifa ya Muhimbili kwa ajili ya uchunguzi zaidi.
 
“Viungo hivyo vimepatikana…Kumepatikiana gloves, kuna visu ambavyo vinatumika mara nyingi katika shughuli mbalimbali za kioparesheni. Viungo hivi ambavyo ni pamoja na miguu, mikono, kuna mafuvu ya vichwa. Kuna mbavu, kuna vitu ambavyo tunadhani inawezekana ni mioyo na vingine ni mapafu. Kwa hiyo tunavichukua na kuvipeleka kule kwenye hospitali ya Muhimbili. Sasa uchunguzi zaidi utafanyika kuanzia hapa.”

Bofya  hapo  chini  Kumsikiliza
BONYEZA HAPA KWA HABARI KAMILI>>>

Monday, July 21, 2014

0
PICHA NYINGINE ZA VIUNGO VYA BINADAMU VILIVYOKUTWA KWENYE MACHIMBO YA KOKOTO BUNJU

 
Kwa mujibu wa Radio One:
Jeshi la Polisi wilaya ya Kinondoni limesema kuwa limekamata viungo mbalimbali vya binadamu vilivyohifadhiwa ktk mifuko ya plastiki ktk machimbo ya kokoto ya Bunju nje kidogo ya jiji la Dsm


Taarifa za tukio hilo zimethibitishwa na Kamanda wa Polisi Mkoa wa Kipolisi Kinondoni, Camilius Wambura.

Uchunguzi zaidi wa tukio hilo unaendelea na taarifa zaidi kuhusu tukio hili zitaendelea kuwajia.
BONYEZA HAPA KWA HABARI KAMILI>>>

0
PICHA ZA MAZISHI YA BABA MZAZI WA JOHARI WA BONGO MOVIE

R.IP baba yetu kipenzi CLEMENT KIENZE CHAGULA tulikupenda sana ila mungu amekupenda zaidi .daima tutakukumbuka milele pumzika kwa amani. Amini.
BONYEZA HAPA KWA HABARI KAMILI>>>

0
BREAKING NEWS..!! MAMA ADAIWA KUMUUA MWANAYE KWA KUMTUMBUKIZA KISIMANI HUKO KAHAMA

mashuhuda

habari kamili zitakujia muda si mrefu
CHANZO:DUNIA KIGANJANI
BONYEZA HAPA KWA HABARI KAMILI>>>

0
HIVI NDIVYO VIUNGO VYA BINADAMU VILIVYOKUTWA KWENYE MFUKO USIKU HUU JIJINI DAR ES SALAAM, TUNAOMBA RADHI KWA PICHA HIZI


 Mmoja ya Kiungo cha Mguu
 Baadhi ya Mifuko ambamo Maiti izo zilikuwa zimewekwa
 Moja ya kichwa cha Binadamu ambacho kimetolewa katika moja ya Mifuko hiyo

 Umati wa watu wakiwa wanashuhudia tukio hilo muda huu
 Watu zaidi wakiwa wanaongezeka katika eneo la Tukio

Mpaka tunaondoka eneo la Tukio Miili ilikuwa imechukuliwa na Jeshi la Polisi kwa Uchunguzi zaidi, Taarifa kamili itatolewa na Kamanda wa Polisi Mkoa wa Dar es salaam.picha zote kwa hisani ya Dar es salaam yetu blog
BONYEZA HAPA KWA HABARI KAMILI>>>

0
BASI LA AM COACH LAPINDUKA WILAYANI MASWA NA KUJERUHI WATU WATATU

Basi la AM Coach likiwa eneo la tukio katika kijiji cha Sayusayu wilayani Maswa mkoani Simiyu

Watu watatu wamejeruhiwa vibaya katika ajali ya Basi la AM Coach lililokuwa linatokea katika kijiji cha Sayusayu wilaya ya Maswa mkoa wa Simiyu kuelekea jijini Mwanza

 Majeruhi hao wamekimbizwa katika Hospitali ya rufaa ya Bugando jijini Mwanza kwa matibabu zaidi.

Abiria hao ni miongoni mwa abiria 54 waliokuwa katika Basi hilo lenye namba za Usajiri T607 AQN lililokuwa likitoka wilayani Meatu mkoani Simiyu kuelekea Jijini Mwanza.

Kamanda wa Polisi mkoa wa Simiyu Charles Mkumbo amesema kuwa ajali hiyo imetokea leo majira ya saa 3:00 asubuhi wakati Basi hilo likitokea mjini Mwanhunzi wilayani Meatu kuelekea Jijini Mwanza mara baada ya kuacha njia na kuparamia mti na kupinduka.

Amesema dereva wa gari hilo Ismail Hassan (46) mkazi wa Mwanza alishindwa kulimudu basi hilo wakati akipishana na roli moja ya mizigo linalodaiwa kukatalia katikati ya barabara na kusababisha dereva wa basi kushindwa kumudu gari lake.

Akielezea hali ya abiria waliojeruhiwa Mkumbo amesema kuwa watu watatu hali zao ni mbaya wamekimbizwa katika hosptali ya rufaa ya Bugando jijini Mwanza.

Kamanda huyo amewataja abiria waliojeruhiwa vibaya kuwa ni Pili Abrahim (54)mkazi wa eneo la Mbugani jijini Mwanza ambaye amevunjika mkono wake wa kushoto na kichwani na mtoto wake wa kike Kwangu Daniel (5) aliyekuwa akisafiri na mama yake kwenda Bugando kwa uchunguzi zaidi wa daktari wake baada ya kuvunjika mguu wa kulia na katika ajali hiyo amevunjika mkono wa kushoto.

Pia mama wa mtoto huyo Mwalu Jilala (32)wote wakazi wa kijiji cha Somanda wilayani Maswa amevunjika mkono wa kushoto,michumbuko na maumivu makali sehemu ya kifua na kiuno.

Wengine katika ajali hiyo ambao wamelazwa katika hopitali ya wilaya ya Maswa ni Aziza Shaaban(42) mfanyabiashara na mkazi wa Ibaga wilaya ya Mkalama mkoani Singida ambaye amejeruhiwa sehemu za kichwani na kukatwa na kitu chenye ncha kali katika mikono wa kushoto,Madaraka Daudi (34)mkazi wa kijiji cha Bushingwamala wilayani Busega na Abel Yohana (27)mkazi wa Maswa na walimu wa nyimbo za injili aliyekuwa anakwenda kurekodi nyimbo jijini Mwanza.

Naye mmoja wa abiria aliyenusurika katika ajali hiyo Happines Mgugu(41)mkazi wa Mbugani jijini Mwanza Ambaye pia ni wifi waPili Abrahim amesema basi hilo lilikuwa katika mwendo kasi na ghafla katika moja ya kona lilikutana na roli moja la mizigo likielekea mjini Maswa ambalo halikupisha njia na kung’ang’ania katikatika ya barabara na kusababisha dereva wa basi kulikwepa na kwenda kuparamia mti na gari hilo kupinduka.


Na Samwel Mwanga-Simiyu

BONYEZA HAPA KWA HABARI KAMILI>>>

0
WAUMINI 29 WALIOTWANGANA MAKONDE KANISA LA MORAVIAN KINONDONI WAFIKISHWA MAHAKAMANI



Waumini wapatao 29 wamefikishwa katika Mahakama ya Hakimu Mkazi Kinondoni leo jijini Dar es Salaam kwa tuhuma za kufanya fujo hadharani katika Kanisa la Moravian lililopo Mwananyamala-Msisiri ” A” Wilaya ya Kionondoni.
 
Katika kesi hiyo iliyounguruma kwa muda wa saa mbilli imeelezwa kuwa Julai 20 mwaka  huu katika  kanisa hilo lililopo eneo la Mwananyamala Msisiri ‘A’ waumini  hao kwa  pamoja walifanya  fujo  zilizosababisha kuhatarisha amani.
 
Kesi hiyo iliyosomwa na mwendesha mashitaka wa serikali, Credo Rugajo mbele hakimu mwandamizi  wa  mahakama hiyo Boniphace Lihamwike, ilidaiwa kuwa Julai 20 waumini walianzisha mzozo uliosababisha waumini kupigana  na kusababaisha askari  polisi  kutumia  nguvu  kubwa  kutuliza  fujo  hizo  ikiwa ni pamoja na kutumia mabomu ya machozi.
 
Baada ya  kusikiliza kesi pande zote  mbili, Hakimu Lihamwike alisema dhamana iko wazi  kwa  kila  mtuhumiwa kuwa na mdhamini mmoja anayeaminika na shilingi  milioni moja  kimaandishi kwa  kila  mmoja. 
 
Kesi  hiyo imeahirishwa hadi  Agosti 4 mwaka huu itakaposikilkizwa  katika mahakama hiyo.
 
 
 
 
 
 
 
 Kundi la kwanza la waumini waliokuwa wanasali nje
 Hili ndilo kundi la pili la waumini waliokuwa wanasali ndani.
BONYEZA HAPA KWA HABARI KAMILI>>>

0
BINTI ALIYETUMIKISHWA KWENYE MADANGURO CHINA AHOJIWA NA POLISI KWA SAA 11


Shirika la Polisi la Kimataifa (Interpol), Tawi la Tanzania, limemhoji kwa saa kumi na moja binti aliyerubuniwa na kupelekwa China ambako kwa miezi mitatu alikuwa akitumikishwa kwenye madanguro nchini humo. 
 
Siku chache zilizopita, Mwananchi liliandika mfululizo, makala kuhusu msichana Munira Mathias, (si jina lake halisi) aliyetumikishwa kwenye madanguro nchini China, baada ya kurubuniwa kwamba alikuwa akipelekwa kufanya kazi kwenye hoteli kubwa.
 
Munira alisema baada ya taarifa zake kuandikwa Interpol walimtaka afike ofisini kwao kwa mahojiano. Mara ya kwanza alihojiwa kwa saa saba na aliitwa tena mara ya pili na kuhojiwa kwa saa tatu na nusu.
 
“Walinihoji jinsi safari yangu ilivyokuwa na namna ambavyo wale wanawake waliotuchukua kutoka hapa (Tanzania) hadi China na walivyosuka mipango ya kunisafirisha,” alisema.
 
Alisema: “Walikuwa wanataka kuendelea kufahamu kwa kina jinsi nilivyosafirishwa na walionisafirisha, hata hivyo nimewapa ushirikiano wa kutosha.”
 
Mkuu wa Interpol Tawi la Tanzania, Kamishna Msaidizi wa Polisi (ACP), Gustav Babile alikiri ofisi yake kumhoji Munira na kwamba lengo ni kufahamu kwa undani jinsi Watanzania wanavyotumikishwa kwenye madanguro hayo, pamoja na kujua jinsi biashara ya binadamu kati ya China na Tanzania inavyofanyika.
 
“Nia ilikuwa ni kujua namna wasichana wanavyotolewa hapa na kupelekwa huko, lakini kikubwa ni kufanya kazi yetu kukomesha biashara hiyo kimataifa,” alisema Babile.
 
Alisema siyo mara ya kwanza kwa Interpol kufanya jitihada za kukomesha biashara ya binadamu na kwamba hatua zimekuwa zikichukuliwa kila mara na siyo kwa Watanzania pekee, bali hata raia wa kigeni wanaokuja nchini.
 
“Tunafanya hii operesheni mara kwa mara. Kwa mfano, waliwahi kuletwa wanawake kutoka Nepal, walipofika hapa hati zao za kusafiria zikafichwa na wale wanaowatumikisha na wakaanza kufanya biashara ya ukahaba na baadaye kuwalipa wale waliowaleta,”alisema Babile.
 
Alisema kitengo hicho kimewahi kuwarudisha wanawake kutoka China waliofika hapa nchini kwa nia ya kufanya biashara ya ukahaba.
 
Mrakibu Msaidizi wa Polisi, Lucy Ngonyani ambaye ndiye aliyemhoji Munira alisema wanaendelea kufanya uchunguzi wa kina kuhusu tukio la binti huyo kupelekwa China na matukio mengine yenye uhusiano au kufanana na hilo.
 
Atishiwa kifo
Wakati hayo yakiendelea, Munira amesema hatua yake ya kuweka wazi ukatili aliofanyiwa China umemfanya aishi kwa shaka baada ya kusikia kuwa wanawake wa Magomeni ambao anawataja kuhusika kumsafirisha wanamsaka ili kumdhuru.
 
“Nilipata taarifa kutoka kwa rafiki yangu mmoja (jina linahifadhiwa) ambaye tulikuwa naye China, aliniambia wale mabosi wetu wa China wamewapa taarifa wanawake wa Magomeni ili wakinipata popote waniue,” alisema Munira.
 
Alisema alianza kuona dalili hizo tangu alipotua Uwanja wa Ndege wa Kimataifa wa Julius Nyerere (JNIA), akitoka China kwani walikuwapo baadhi ya wanawake ambao walishiriki katika mipango ya safari yake.
 
Alisema aligundua kuwa mawakala waliomsafirisha wanamtafuta walipomfuata rafiki yake aliyemsindikiza na kuuliza ni wapi anakoishi hivi sasa.
 
“Hali hiyo inanitia shaka sana na ndiyo maana naishi maisha ya kujificha hata vyombo vya usafiri wa umma situmii,” alisema.
 
Kutokana na tishio hilo, Mkurugenzi wa Kituo cha Sheria na Haki za Binadamu, (LHRC), Dk Hellen Kijo-Bisimba amesema kituo hicho kinaandaa taratibu za kumsaidia msichana huyo kisheria.
 
“Tumeshazungumza naye, kwa bahati mbaya leo (jana) aliitwa mahali lakini ilikuwa aje hapa na tufanye mipango ya kumsaidia kisheria,” alisema Dk Bisimba.
 
Alisema kituo hicho kinalaani biashara ya usafirishaji wa binadamu na kuwataka wasichana wote waliowahi kufanyiwa vitendo hivyo kuwa na ujasiri wa kusema ili sheria zichukuliwe dhidi ya wahusika.
 
“Tulipambana mpaka sheria ya kudhibiti usafirishaji wa binadamu ikatungwa, awali iliwekwa pamoja na ile Sheria ya Makosa ya Kujamiiana lakini hivi sasa ni sheria inayojitegemea,” alisema.
 
Taasisi nyingine iliyojitokeza kumsadia binti hiyo ni Chama cha Waandishi wa Habari Wanawake Tanzania (Tamwa), ambacho kimeahidi kukutana naye ili kuona jinsi ya kumsaidia.
 
Munira alipelekwa China katika Jimbo la Guangzhou na kufanyishwa biashara ya ukahaba baada ya kurubuniwa kuwa anakwenda kufanya kazi katika hoteli kubwa.
 
Pamoja na manyanyaso mengine, aliwahi kubakwa na wanaume wanne wa Nigeria na kuambukizwa magonjwa ya zinaa pamoja na kushika ujauzito ambao hata hivyo, ulitoka baadaye.

Pamoja na adha hizo, alikuwa akiwajibika kuwalipa mabosi wake Dola 200 za Marekani (Sh330,000) kila siku, kutokana na fedha azizokuwa akipata kwa kufanya ukahaba 

Chanzo: Gazeti  la  Mwananchi
BONYEZA HAPA KWA HABARI KAMILI>>>