Thursday, July 31, 2014

0
BREAKING NEWS: BINTI AFARIKI DUNIA BAADA YA KUANGUKIWA NA JABALI WAKATI AKICHIMBA KOKOTO WILAYANI KAHAMA

Habari kutoka Kahama mkoani Shinyanga zinasema kuwa binti  aliyefahamika kwa jina la Lucia Bahati (25)amefariki dunia,inasemekana alikuwa akichimba kokoto ambazo ni masalia ya kokoto zilizokuwa zikitengenezwa kwa ajili ya ujenzi wa Barabara za lami wilayani Kahama.

Taarifa kamili ya tukio hilo itawajia hivi punde.....

BONYEZA HAPA KWA HABARI KAMILI>>>

0
WAZIRI WA MAZINGIRA DKT BINILITH MAHENGE AZINDUA TOVUTI YA MABADILIKO YA TABIA YA NCHI


 Waziri wa Nchi Ofisi ya Makamu wa Rais- Mazingira Mh. Dkt. Eng Binilith Satano Mahenge akizindua rasmi tovuti ya mabadiliko ya tabianchi itakayotumika kutoa taarifa mbalimbali za utunzaji wa Mazingira.
 
Mheshimiwa      Eng  Dkt. Binirithi S.  Mahenge  (mbunge)  Waziri wa nchi ofisi ya Makamu wa  Rais (mazingira) azindua tovuti ya mabadiliko ya tabia  nchi. Katika hotuba yake fupi ya uzinduzi wa tovuti hiyo, aliyoandaliwa kwa ufadhili wa serikali ya Denmark Mh. Binirithi  Mhenge amesema kuwa mabadiliko ya tabia ya nchi huangaliwa kwa muda wa miaka 30 hivyo kwa kipindi hiki chote kumekuwa na madhara mengi yatokanayo na athari za mabadiliko ya tabia Nchi ikiwa ongezeko la joto, kina cha bahari kuongezeka pamoja na ongezeko la majanga ya mvua zisizo na viwango,  kutoka na shughuli za binadamu katika uzalishaji hasa viwanda vikubwa

Alisema kwa tovuti inayozinduliwa ina umuhimu mkubwa kwani inaelezea maeneo ya hali ya mabadiliko ya tabia  nchi na juhudi za serikali katika kukabiliana na athari zinazoletwa na mabadiliko hayo.

“ziko sababu za kuungana na wenzetu ili kuondoa      tatizo hili la mabadiliko ya nchi ambapo tovuti hii WWW.climatechange.go.tz inatuunganisha na tovuti mbali mbali katika kupunguza gesi joto hapanchini pia inaelezea fursa zilizopo katika miradi na program mbali mbali. Alisisitiza”

Alibaini kuwa tovuti hii itachangia kwa kiasi kikubwa kuongeza uelewa na weledi kuhusu mabadiliko ya tabia  nchi nchini kwa wananchi na wadau kwa ujumla.

 Waziri wa Nchi Ofisi ya Makamu wa Rais- Mazingira Mh. Dkt. Eng Binilith Satano Mahenge (wa kwanza kushoto) akizungumza na wandishi wa habari (hawapo pichani) katika ukumbi wa mkutano wa  Ofisi ya Makamu wa Rais leo jijini Dar es Salaam, wakati wa uzinduzi wa "tovuti ya mabadiliko ya tabianchi" huku akieleza malengo ya tovuti hiyo. kushoto ni Mkurugenzi wa Mazingira Ofisi ya Makamu wa Rais Bw. Julius Ningu.
 sehemu ya wadau waliyoudhulia katika mkutano huo kushuhudia makubaliano ya mkataba huo.
 Mkuu Msaidizi wa Chuo cha kilimo SUA Prof. Gerald Monella (aliyesimama) akizungumza na waandishi wa habari pamoja na wadau mbalimbali kuhusu mkataba huo unaofanyika baina ya Ofisi ya Makamu wa Rais na chuo cha SUA.
 Katibu Mkuu Ofisi ya Makamu wa Rais Bw. Sazi Salula (wa kwanza kushoto) na Mkuu Msaidizi wa Chuo cha SUA Prof. Gerald Monella wakisaini mkataba wa uwanzishwaji wa kituo cha Taifa cha kukusanya na kuratibu takwimu za hewa ukaa  uliofanyika katika ukumbi wa mkutano Ofisi ya Makamu wa Rais jijini Dar es Salaam.
 Naibu Katibu Mkuu Ofisi ya Makamu wa Rais Bw. Sazi Salula wakipeana Mkataba na mkuu msaidizi wa wa chuo cha kilimo SUA Prof. Gerald Monella baada ya kusaini.
 Sehemu ya waandishi wa habari waliyoudhulia katika uzinduzi huo uliofanyika leo jijini Dar es Salaam.
BONYEZA HAPA KWA HABARI KAMILI>>>

0
WATU WANNE WAFARIKI DUNIA NA WENGINE 51 KUJERUHIWA KATIKA AJALI YA GARI MATUNDASI WILAYANI CHUNYA.



MMG23716
TAARIFA YA JESHI LA POLISI MKOA WA MBEYA KWA VYOMBO VYA HABARI
“PRESS RELEASE” TAREHE 31.07.2014.
  • WATU WANNE WAFARIKI DUNIA NA WENGINE 51 KUJERUHIWA KATIKA AJALI YA GARI MATUNDASI WILAYANI CHUNYA.
  • MTU MMOJA AFARIKI DUNIA KATIKA AJALI YA BARABARANI JIJINI MBEYA.
  • MTOTO WA MIAKA MITATU AFARIKI DUNIA BAADA YA KUANGUKIWA NA KIFUSI CHA MCHANGA WILAYANI CHUNYA.
  • MTOTO WA MIAKA KUMI AFARIKI DUNIA BAADA YA KUPIGWA NA SHOTI YA UMEME.
KATIKA TUKIO LA KWANZA:
 WATU WANNE WALIOTAMBULIKA KWA MAJINA YA 1. PAULO MWASANGA (18) MKAZI WA KITONGOJI CHA MATUNDASI ‘B’ 2. WEDI ANGOLWISE (21) MKAZI WA MATUNDASI 3. SALOME MWAKIBETE (13) MWANAFUNZI WA DARASA LA SABA SHULE YA MSINGI SAMBILIMWAYA NA 4. OBEDI MWAKAMELA (25) MKAZI WA MATUNDASI WAMEFARIKI DUNIA PAPO HAPO BAADA YA GARI LENYE NAMBA ZA USAJILI T.595 CHU AINA YA FUSO TIPPER LIKIENDESHWA NA DEREVA ASIYEFAHAMIKA JINA KIPINDUKA KATIKA KIJIJI CHA MATUNDASI WILAYANI CHUNYA.
 AJALI HIYO ILITOKEA MNAMO TAREHE 30.07.2014 MAJIRA YA SAA 16:00 JIONI HUKO KATIKA KITONGOJI CHA MATUNDASI “B”, KIJIJI CHA MATUNDASI, KATA YA MATUNDASI, TARAFA YA KIWANJA, WILAYA YA CHUNYA, MKOA WA MBEYA KATIKA BARABARA YA CHUNYA/MAKONGOLOSI.

 GARI HILO LILIKUWA LIKITOKEA KIJIJI CHA SAMBILIMWAYA KUELEKEA KIJIJI CHA MATUNDASI LIKIWA LIMEBEBA WACHEZAJI WA MPIRA WA MIGUU NA MASHABIKI. AIDHA KATIKA AJALI HIYO WATU 51 WALIJERUHIWA, KATI YAO 26 WALITIBIWA NA KURUHUSIWA NA WENGINE 25 WAMELAZWA KATIKA HOSPITALI YA WILAYA YA CHUNYA WAKIENDELEA KUPATIWA MATIBABU. CHANZO CHA AJALI NI MWENDO KASI, DEREVA ALIKIMBIA MARA BAADA YA TUKIO NA JUHUDI ZA KUMTAFUTA ZINAENDELEA.
 KAIMU KAMANDA WA POLISI MKOA WA MBEYA KAMISHNA MSAIDIZI WA POLISI BARAKAEL .N. MASAKI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO HASA KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA AZITOE KATIKA MAMLAKA HUSIKA ILI AKAMATWE NA HATUA ZA KISHERIA ZICHUKULIWE DHIDI YAKE.
 KATIKA TUKIO LA PILI:
 MTU MMOJA ALIYETAMBULIKA KWA JINA LA WILE PETER AMBAYE ALIKUWA ABIRIA KATIKA PIKIPIKIAMEFARIKI DUNIA BAADA YA GARI LENYE NAMBA ZA USAJILI DFP 0036 AINA YA BENZ MALI YA SHIRIKA LA UMEME TANESCO LILILOKUWA  LIKIENDESHWA NA PATRICK MHAGAMA (46) MKAZI WA ILOMBA JIJI MBEYA KUMGONGA MPANDA PIKIPIKI ASIYEFAHAMIKA JINA WALA MAKAZI YAKE NA KUSABABISHA KIFO KWA ABIRIA HUYO.
 AJALI HIYO IMETOKEA MNAMO TAREHE 31.07.2014 MAJIRA YA SAA 16:45 JIONI HUKO NZOVWE, KATA YA NZOVWE, TARAFA YA IYUNGA, JIJI NA MKOA WA MBEYA. CHANZO CHA AJALI KINACHUNGUZWA. DEREVA AMEKAMATWA NA GARI LIPO KITUONI. MWILI WA MAREHEMU UMEHIFADHIWA KATIKA HOSPITALI YA RUFAA MBEYA.
 KAIMU KAMANDA WA POLISI MKOA WA MBEYA KAMISHNA MSAIDIZI WA POLISI BARAKAEL .N. MASAKI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO HASA KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA.
 KATIKA TUKIO LA TATU:
 MTOTO MWENYE UMRI WA MIAKA MITATU ALIYETAMBULIKA KWA JINA LA PASCALIA JIFULA NGASA AMEFARIKI DUNIA BAADA YA KUANGUKIWA NA KUFUNIKWA NA KIFUSI CHA MCHANGA KATIKA KITONGOJI CHA CHIZYA WILAYANI CHUNYA.
 TUKIO HILO LIMETOKEA MNAMO TAREHE 30.07.2014 MAJIRA YA SAA 08:300 ASUBUHI HUKO KATIKA KITONGOJI CHA CHIZYA, KIJIJI CHA MWAMBANI CHINI, KATA YA MWAMBANI, TARAFA YA KWIMBA, WILAYA YA CHUNYA, MKOA WA MBEYA. WAKATI TUKIO HILO LINATOKEA, MTOTO HUYO ALIKUWA AKICHEZA NA WATOTO WENZAKE KWENYE GEMA LA MCHANGA NA NDIPO KIFUSI KUMUANGUKIA NA KUMFUNIKA.
 KAIMU KAMANDA WA POLISI MKOA WA MBEYA KAMISHNA MSAIDIZI WA POLISI BARAKAEL .N. MASAKI ANATOA WITO KWA WAZAZI NA WALEZI KUWA MAKINI NA WATOTO WADOGO KWA KUANGALIA MAZINGIRA YA MAENEO YAO ILI KUEPUKA MADHARA YANAYOWEZA KUJITOKEZA.
 KATIKA TUKIO LA NNE:
 MTOTO WA MIAKA KUMI ALIYEFAHAMIKA KWA JINA LA JERRY JESTED, MWANAFUNZI NA MKAZI WA MLOWO WILAYANI MBOZI ALIKUTWA AMEKUFA CHUMBANI KWAKE BAADA YA KUPIGWA NA SHOTI YA UMEME.
 TUKIO HILO LIMETOKEA MNAMO TAREHE 30.07.2014 MAJIRA YA SAA 06:00 ASUBUHI HUKO KATIKA KATA YA MLOWO, TARAFA YA VWAWA, WILAYA YA MBOZI, MKOA WA MBEYA. INADAIWA KUWA CHANZO CHA TUKIO HILO NI BAADA YA MAREHEMU KULAMBA NYAYA ZA UMEME AMBAZO ZILIKUWA KARIBU NA KITANDA CHAKE HALI ILIYOPELEKEA KUPIGWA SHOTI NA KUSABABISHA KIFO CHAKE.
  KAIMU KAMANDA WA POLISI MKOA WA MBEYA KAMISHNA MSAIDIZI WA POLISI BARAKAEL .N. MASAKI ANATOA WITO KWA WAZAZI NA WALEZI KUWA MAKINI NA WATOTO WADOGO KWA KUANGALIA MAZINGIRA YA MAENEO YAO ILI KUEPUKA MADHARA YANAYOWEZA KUJITOKEZA IKIWA NI PAMOJA NA KUWEKA MBALI VITU VYA HATARI KWA WATOTO.
 Imetolewa na kusainiwa na:
 [BARAKAEL .N. MASAKI – ACP]
KAIMU KAMANDA WA POLISI MKOA WA MBEYA.

BONYEZA HAPA KWA HABARI KAMILI>>>

0
MARAIS WASTAAFU THABO MBEKI, FESTUS MOGAE NA BENJAMIN MKAPA WAKUTANA DAR ES SALAAM


1a
Marais wastaafu Thabo Mbeki wa Afrika Kusini na Festus Mogae wa Botswana wakiigia kwenye chumba cha Mkutano katika hoteli ya Serena jijini Dar es salaam leo wakati wa mkutano wa mwaka wa Africa Readership Forum ulioandaliwa na Taasisi ya Uongozi Institute jijini Dar es salaam ambao ulikuwa unajadili changamoto mbalimbali zinazozikabili nchi za Afrika na kuangalia masuala mbalimbali ikiwa ni pamoja na hatua za kushughulikia changamoto hizo.
2a
Rais mstaafu wa wa Afrika Kusin Thabo Mbeki akizungumza katika mkutano huo uliojumuisha viongozi mbalimbali wa afrika na taasisi mbalimbali kweye hoteli ya Serena jijini Dar es salaam leo.
3a
Marais wastaafu Thabo Mbeki wa Afrika Kusini katikati ,Festus Mogae wa Botswana kushoo na Rais Mstaafu wa Tanzania Mh. Benjamin William Mkapa wakiwa wakiongoza mkutano huo.
4a
Baadhi ya viongozi kutoka taasisi mbalimbali waliohudhuria katika mkutano huo.
5a
Mbunge wa Kigoma Kaskazini Mh. Zitto Kabwe katikati ni mmoja wa viongozi waliohudhuria katik mkutano huo uliofanyika kwenye Hoteli ya Serena jijini Dar es salaam.
6a
Waziri Mkuu Mstaafu Mh. Fredrick Sumaye kulia ni Mh. Balozi Ali Karume walikuwa ni miogoni wa viongozi waliohudhuria katika mkutano huo pia.
BONYEZA HAPA KWA HABARI KAMILI>>>

0
WATU SITA WAFARIKI KWA AJALI YA GARI HUKO ILEMBULA MKOANI NJOMBE

Kaimu Kamanda wa Polisi Mkoa wa Njombe Ambaye ni Afisa  Mkuu wa Upelelezi Mkoa wa Njombe Franco Kibona Akizungumza na Vyombo Vya Habari Leo 

Na Gabriel Kilamlya Njombe

Watu Sita Wamefariki Dunia na Wengine Wawili Kujeruhiwa Katika Ajali ya Lori Liliokuwa Limebeba Magunia ya Mpunga Likitokea Wilayani Mbarali Mkoani Mbeya Kulekea Makambako Mkoani Njombe.

Wakizungumzia Ajali Hiyo Baadhi ya Mashuhuda Wamesema Imetokea Leo Majira ya Saa Kumi na Moja Alfajiri Katika Njiapanda ya Kuelekea Ilembula Baada ya Gari Hilo Liligonga Ukingo wa Daraja La Mto Halali na Kupinduka Kisha Kuwafunika Baadhi ya Watu Waliokuwa Katika Gari Hilo.

Kaimu Kamanda wa Polisi Mkoa wa Njombe Bwana Franco Kibona Amesema Kuwa Ajali Hiyo Imetokea Kwa Gari Hilo Kutumbukia Katika Mto Halali Ambao Licha ya Kuwa na Maji Machache Lakini Ndani Yake Kuna Mawe Mengi.

Kamanda Kibona Amewataja Watu Hao Waliofariki Dunia Kuwa ni Pamoja na Dereva wa Gari Hilo Bwana Zedekia Shadrack Mkazi wa Makambako  Pamoja na Wabeba Mizigo Maarufu Kwa Jina la [MAKURI] Watano Ambao Wote Wamefariki Papo Hapo.

Aidha Amewataja Majeruhi Wawili wa Ajali Hiyo Kuwa ni Samuel Ndende Mwenye Umri wa Miaka 26 Mkazi wa Makambako Ambaye Naye ni Mbeba Mizigo na Yusuph Kabulika Mwenye Umri wa Miaka 23 Mwenyeji wa Kapunga Chimala na
Mkazi wa Makambako Ambaye Yeye Aliyekuwa Utingo wa Gari Hilo.

Amesema Kuwa Majeruhi Hao Wamelazwa Katika Hospitali ya Misheni Ilembula Ambao Mmoja Kati Yao Anayefahamika Kwa Jina la Samuel Ndende Utingo Hali Yake Inaendelea Vizuri Huku Mwenzio Hali Yake Ikiwa ni Mbaya.

Amesema Kuwa Chanzo Cha Ajali Hiyo Bado Kinaendelea Kuchunguzwa.
BONYEZA HAPA KWA HABARI KAMILI>>>

0
RAIS KIKWETE ATUMA SALAMU ZA RAMBIRAMBI KUFUATIA AJALI MBAYA YA BASI LA MORO BEST

THE UNITED REPUBLIC OF TANZANIA
DIRECTORATE OF PRESIDENTIAL COMMUNICATIONS

Telephone: 255-22-2114512, 2116898
Website : www.ikulu.go.tz              

Fax: 255-22-2113425



PRESIDENT’S OFFICE,
      STATE HOUSE,
              1 BARACK OBAMA ROAD,  
11400 DAR ES SALAAM.
Tanzania.
 
TAARIFA KWA VYOMBO VYA HABARI
Rais Jakaya Mrisho Kikwete amemtumia salamu za rambirambi Mkuu wa Mkoa wa Dodoma Dkt. Rehema Nchimbi kufuatia ajali iliyotokea tarehe 30 Julai, 2014 katika eneo la Pandambili, Wilayani Kongwa na kuua watu wapatao 18.

Katika ajali hiyo, watu 13 walifariki katika eneo la ajali, na majeruhi wapatao 56 walifikishwa hospitalini. Kati ya majeruhi hao hadi sasa waliolazwa ni 30 na wengine wameruhusiwa baada ya kupata matibabu.

Rais amemuomba Dkt. Nchimbi kumfikishia rambirambi zake za dhati kwa ndugu na jamaa waliopoteza wapendwa wao katika ajali hiyo, na kuwapa pole majeruhi wote na kuwatakia kupona haraka ili warejee kwenye shughuli zao za kila siku.

“ Natoa Pole za dhati kwa wale wote walioondokewa na wapendwa wao katika ajali hii na pia kuchukua nafasi hii kuwapa pole majeruhi wote na kuwaombea kupona haraka na kurudi katika shughuli zao za kila siku”.  Rais amesema katika salamu zake kwa Mkuu wa Mkoa wa Dodoma.

“Hakika ni jambo la kusikitisha sana kuondokewa na wananchi wetu katika ajali , natoa wito wangu kwa madereva wote na wote wanaotumia vyombo vya moto kuwa makini wanapokuwa barabarani “.  Rais amesema na kuongeza kuwa;  

“Kila dereva anaetumia chombo cha moto,  ana wajibu wa kulinda maisha yake na ya watumiaji wengine kwa kuwa makini na muangalifu awapo barabarani, kwani ajali hizi zinarudisha nyuma maendeleo ya taifa na ya wananchi kwa ujumla” Rais amesema na kuvitaka vyombo vya ulinzi na usalama barabarani kutolegeza kamba katika kuwachukulia hatua madereva wasio makini na wazembe wakati wote”.Rais amesisitiza.

Taarifa kutoka Mkoani Dodoma zinasema ajali hiyo ya jana (30 Julai, 2014) ilisababishwa na Lori  ambalo lilitaka kupita lori jingine na hivyo kwenda kugongana uso kwa uso na Basi la Moro Best lililokuwa likitokea Mpwapwa kuelekea Dar es Salaam.



Imetolewa na;
Premi Kibanga,
Mwandishi wa Habari wa Rais Msaidizi,
Ikulu – Dar es Salaam.
30 Julai, 2014
BONYEZA HAPA KWA HABARI KAMILI>>>

0
MFANYAKAZI WA NDANI ANUSURIKA KUFA BAADA YA KUKATWAKATWA MAPANGA NA BOSI WAKE




Msichana wa kazi za ndani, Fonolia Lembres (12) amenusurika kuuawa na mwajiri wake aliyetambulika kwa jina la Emmanuel Msovera ambaye ni kondakta wa Hiace, baada ya kushambuliwa kwa kipigo na kukatwakatwa mapanga mwilini.

Fonolia ambaye kwa sasa amelazwa katika Hospitali ya Mkoa Mount-Meru, jijini Arusha, amejeruhiwa vibaya kwa kukatwa kiganja cha mkono wa kushoto na maeneo mengine ya mwili kisa kikidaiwa kuwa ni kutuhumiwa kuiba shilingi 30,000 za bosi wake huyo.
 
Hata hivyo, majirani na nyumbani kwa mtuhumiwa huyo wameeleza kuwa msichana huyo amekuwa akipigwa kama mbwa mwitu kila siku kiasi cha wao kumtaka mtuhumiwa amrejeshe kwao iwapo ameshindwa kukaa naye.
 
Akizungumza kwa tabu akiwa hospitali alikolazwa , mfanyakazi huyo wa ndani alilalamika kutoona vizuri kutokana na jicho lake la kushoto kupigwa ngumi pia maumivu makali ya mkono pamoja na sehemu zingine alizokatwa kwa panga na fyekeo.
 
Akisimulia tukio hilo alisema, mke wa mtuhumiwa, Rose Benjamini, mumewe alimchukuwa binti huyo kwa wazazi wake miaka minne iliyopita kwa makubalino ya kumsomesha lakini badala yake akawa anampiga mara kwa mara.
 
Alisema maisha yake yote yamekuwa ya mateso makubwa kwani amekuwa akipigwa na kunyanyaswa kwa kiwango kikubwa na wakati mwingine hata kunyimwa chakula ambapo alikuwa akivumilia mateso hayo.
 
Alisema siku ya tukio (Jumamosi iliyopita) usiku majira ya saa tatu, Benjamini ambaye ni kondakta wa Hiace zinazofanyakazi kati ya mjini na kwa Morombo, alifika na kumuuliza kuhusu fedha zake kiasi cha shilingi elfu 30 alizoziacha kwenye kochi.
 
“Nilimwambia sikuchukua ndipo alichukuwa panga na kunikata mkono, baadaye alichukuwa fyekeo na kunikata mguuni na sehemu zingine na kunipiga ngumi kwenye jicho,’’ alisema mwanafunzi huyo.
 
Baadhi ya majirani walioshuhudia tukio hilo walitoa taarifa kwa balozi wa eneo hilo, Joseph Mtinangi ambaye alichukuwa jukumu la kutoa taarifa polisi ambao walifika na kumkuta mtuhumiwa amejifisha  juu ya dari katika chumba chake, wakamkamata na kumfikisha kituo kikuu cha polisi jijini hapa.
 
Mtuhumiwa huyo amefunguliwa hati ya mashitaka yenye kumbukumbu namba AR/RB/10071/2014 KUJERUHI.Kwa upande wake balozi Mtinangi alilaani tukio hilo na kueleza kuwa ni tukio la kinyama ambalo mtuhumiwa amekuwa akimtendea mara kwa mara msichana huyo.
 
Aliongeza kuwa alikuwa akipata malalamiko juu ya tukio hilo ambapo aliwaonya wahusika lakini kwa kitendo alichokifanya siku hiyo ametoa wito kwa vyombo vya dola kuchukuwa hatua kali ili iwe fundisho kwa wengine wenye tabia kama hiyo.

Chanzo:  AMANI/Gpl
BONYEZA HAPA KWA HABARI KAMILI>>>

0
POLISI ALIYEFUKUZWA KAZI AKAMATWA KWA TUHUMA ZA KUJIANDAA KUFANYA UHALIFU



Askari Polisi aliyefukuzwa kazi kwa utovu wa nidhamu mwaka 2012 baada ya kukutwa na silaha katika ukumbi wa disko mkoani Kilimanjaro, James Marwa (26) amekamatwa na Polisi wa Kanda Maalumu ya Tarime-Rorya akidaiwa kuwa katika harakati za kwenda kufanya uhalifu eneo la mgodi wa Nyamongo.
 
Kamanda wa Polisi Kanda Maalum ya Tarime-Rorya, Lazaro Mambosasa, alithibitisha kukamatwa kwa Marwa.
 
Mambosasa alisema kwa sasa anashikiliwa kwa tuhuma za kukutwa na bunduki aina ya riffle ikiwa na risasi tano ya kampuni ya ulinzi ya Paroma Security na kukiri kwamba alikuwa anaenda kuungana na wenzake kwenda kufanya uhalifu mgodi wa Nyamongo.
 
Akifafanua Kamanda Mambosasa alisema Julai 29 walipata taarifa kutoka kwa raia wema kuonekana mtuhumiwa maeneo ya Mtaa wa Magamaga, kata ya Sabasaba, Tarime, akiwa na bunduki aina ya riffle yenye namba 58368 TZCAR 5963 ikiwa na risasi tano.
 
“Tulifuatilia na kumkamata mtuhumiwa akiwa na silaha hiyo, tumemhoji na kubaini kuwa kwa hivi sasa alikuwa akifanya kazi ya ulinzi katika kampuni ya ulinzi ya Paroma Security eneo la ujenzi wa Mizani huko Sirari na alipohojiwa zaidi alidai alikuwa akienda Nyamongo mgodini kuungana na wenzake kufanya Uhalifu,” alisema Kamanda.
 
Alisema watamfikisha mtuhumiwa mahakamani wakati wowote kuanzia sasa.
BONYEZA HAPA KWA HABARI KAMILI>>>

Wednesday, July 30, 2014

0
TANESCO YAMNASA KISHOKA MAARUFU MKOANI PWANI

SHIRIKA la Ugavi wa Umeme (Tanesco) Mkoa Pwani, limefanikiwa kumkamata Jeams Mkelembwa ambaye anadaiwa kuwatapeli wananchi kwa kujifanya mtumishi wa shirika hilo.

Akizungumza kuhusu sakata hilo jana, Ofisa Usalama wa Tanesco Pwani, Henry Byarugaba, alisema kwamba tukio la kukamatwa kwa mtuhumiwa  huyo lilitokea juzi wilayani Kisarawe wakati alipokuwa akitaka kumtapeli mteja mmoja  wa umeme.

Byarugaba alisema mtuhumiwa huyo amekuwa akitumia njia mbalimbali ikiwemo kutumia majina ya viongozi, pamoja na kudai yeye ndiye Meneja wa Tanesco Mkoa wa Pwani, kitu ambacho si cha kweli.

“Ndugu mwandishi, katika siku za hivi karibuni tulikuwa na zoezi maalumu la kukagua miundombinu yetu ya umeme katika maeneo mbalimbali ya Mkoa wa Pwani, lakini tulipata fununu kuna baadhi ya watu wanajifanya wao ni wafanyakazi wa shirika letu na kuwatapeli wateja wetu, hali ambayo inasababisha lawama nyingi kutolewa kwetu…

“Huyu jamaa tuliyemkamata ni hatari sana, kwani ameshafanya matukio mengi ya utapeli kwa wananchi, maana anatumia vyeo vya watu mbalimbali ikiwemo kujifanya yeye ni ofisa wa Tanesco, mara mtumishi kutoka wizara fulani mara Takukuru, yaani ni balaa tupu, kumbe ni kishoka maarufu sana na mimi nitahakikisha anachukuliwa hatua kali za kisheria ili iwe fundisho,” alisema Byarugaba.

Alisema mtuhumiwa huyo kwa sasa anashikiliwa na polisi Kisarawe na kuwaomba wateja wote ambao wametapeliwa na mtu huyo waende kwa ajili ya kumtambua.

Byarugaba aliongeza kuwa tapeli huyo alishafanya matukio ya kuwaibia watu katika maeneo mbalimbali ikiwemo Majohe, Pugu, Chanika na mengineyo.
BONYEZA HAPA KWA HABARI KAMILI>>>

0
WAZIRI MAGUFULI KIBOKO, AMNYANG'ANYA MZINDAKAYA NYUMBA 12

WIZARA ya Ujenzi imeinyang’anya Kampuni ya Agriculture and Animal Food Industries Ltd (Saafi), inayomilikiwa na mwekezaji mzalendo na mwanasiasa mkongwe, Dk. Chrisant Mzindakaya nyumba 12 za umma ambazo ilikuwa imezipanga kibiashara kwa miaka 12.

Nyumba hizo 11 za kuishi na moja ofisi zilizojengwa na Shirika la Maendeleo la Norway mwaka 1988,  zimekabidhiwa rasmi Juni 17 mwaka huu, kwa Wakala wa Majengo (TBA), mkoani hapa na Wizara ya Ujenzi.

Akizungumza na waandishi wa habari kuhusu uamuzi huo wa serikali baada ya kukagua nyumba hizo juzi, Mbunge wa Sumbawanga Mjini, Aeshi Hilaly (CCM), alisema ana furaha kwani nyumba hizo zilikuwa zikimnyima usingizi kutokana na maofisa serikalini wakiwemo majaji na baadhi ya wakuu wa idara kuishi nyumba za kupanga, lakini sasa wataishi nyumba hizo ambazo ni bora na zenye usalama wa kutosha.

Alibainisha kuwa baada ya kutembelea nyumba hizo na kuzikagua akiongozana na Meneja wa Wakala wa Majengo Mkoa wa Rukwa, Deocles Kalikawe, amebaini kuwepo kwa upungufu mkubwa ambao alidai mwekezaji aliyezipanga kibiashara atalipia gharama zote za ukarabati.

“Nampongeza Waziri wa Ujenzi, Dk. John Magufuli kwa uamuzi mgumu aliofanya wa kuzirejesha  nyumba hizi serikalini kupitia TBA… Nimemshauri Meneja wa TBA mkoani hapa, moja ya nyumba hizi iwe kwa ajili ya kufikia viongozi wa kitaifa, kwani iliwahi kutokea tulifikiwa na wageni wawili kutoka taifani, mmoja alilala Ikulu ndogo, lakini mwingine alilazimika kulala hotelini,” alisema.

Meneja wa TBA mkoani hapa, Kalikawe, alieleza kuwa mara baada ya kukabidhiwa rasmi nyumba  hizo, waliamua kuweka walinzi wao wakati wakijipanga kufanya tathmini ya ukarabati ili ziweze  kupangishwa kwa majaji, watumishi wa mahakama na wakuu wa idara.

Baadhi ya wakazi wa mjini hapa waliohojiwa na mwandishi wa habari hizi, wameipongeza serikali kwa kuchukua uamuzi huo na kwamba utapunguza tatizo la uhaba wa nyumba.

“Tatizo la uhaba wa nyumba ni changamoto kubwa sana mkoani hapa… imesababisha baadhi ya watumishi wanaopangiwa kuja kufanya kazi huku kukataa kuripoti au wanafika lakini wakiondoka  hawarudi tena,” alisema Enos Budodi, mkazi wa mjini hapa.

Mkurugenzi wa asasi isiyo ya kiserikali inayojishughulisha na shughuli za kijamii na maendeleo (Udeso) kwa mikoa ya Rukwa na Katavi, Eden Wayimba, alisema uamuzi wa serikali kujireshea mali yake, utawapunguzia gharama za maisha watumishi wa umma watakaopangishwa.

Kurejeshwa kwa nyumba hizo ni ushindi kwa Aeshi, ambaye tangu awali amekuwa hana uhusiano mzuri wa kisiasa na Dk. Mzindakaya, ambapo mara kadhaa alikuwa akihoji uhalali ya nyumba hizo kumilikiwa na kampuni ya mtu binafsi badala ya kutumiwa na watumishi wa serikali.

Lakini wachambuzi wa masuala ya kisiasa wanadai uamuzi huo utaongeza chuki ya kisiasa kati ya wanasiasa hao wawili ambao mara ya mwisho walikutana Mei mwaka huu kwenye ibada ya kusimikwa kwa Askofu wa Kanisa la Moravian, Jimbo la Rukwa, Cornad Nguvumali.

Ibada hiyo, ilifanyika kwenye uwanja wa michezo wa Nelson Mandela mjini hapa, ambapo mkuu wa mkoa aliwataka wazike tofauti zao, lakini Dk. Mzindakaya alikataa kumsamehe Aeshi kwa madai hakuandaliwa kiroho kutoa msamaha kwenye ibada hiyo.

Na Walter Mguluchuma
BONYEZA HAPA KWA HABARI KAMILI>>>

0
MWANAMKE AKUTWA AMEJINYONGA SHAMBANI TABATA JIJINI DAR

Mwanamke aliyefahamika kwa jina la Irene Ibrahim (22), mkazi wa Tabata Kisukuru manispaa ya Ilala, amefariki dunia baada ya kujinyonga.

Akithibitisha kutokea kwa tukio hilo, Kamanda wa Polisi Mkoa wa Ilala, Marietha Minangi, alisema marehemu alikutwa kwenye shamba la Abdallah Mshindo akiwa amejinyonga kwa kutumia khanga aliyoitundika katika tawi la mti aina ya mjohoro.

Minangi alisema, tukio hilo lilitokea Julai 27 majira ya saa 1 usiku, ambako Irene alifika kwenye duka la Oliver Laurent akiwa amebeba pombe tatu aina ya viroba na dawa aina ya Mifupain nyingi mkononi huku akiwaeleza baadhi ya watu kuwa, atasafiri kwenda Amerika kisha kuingia chumbani kwake.

Alisema, baada ya kuingia chumbani kwake, hakuonekana tena mpaka walipoangalia chumbani kwake walikuta maganda ya viroba na dawa bila yeye kuwepo, ndipo alipokutwa akiwa amejinyonga shambani hapo.

Katika tukio jingine, mtu mmoja ambaye jina lake halikufahamika mara moja amefariki dunia baada ya gari alilokuwa akiendesha kugonga mti.

Akithibitisha kutokea kwa ajali hiyo, Kamanda wa Polisi Mkoa wa Kinondoni, Kamishna Msaidizi wa Polisi (ACP), Camillius Wambura, alisema ajali hiyo ilitokea Julai 28 majira ya saa 8 usiku eneo la Masaki Kata ya Msasani, Kinondoni barabara ya Kimweri iliyohusisha gari aina ya Toyota Rav 4 yenye namba za usajili T422 AXV iliyokuwa inaendeshwa na dereva anayekadiriwa kuwa na miaka kati ya 20-25.

Wambura aliongeza kuwa, gari hilo lilikuwa linatokea barabara ya Ally Hassan Mwinyi kwenda Coco Beach ndipo lilipoacha njia na kugonga mnazi uliyokuwa kandokando ya barabara  hiyo.
BONYEZA HAPA KWA HABARI KAMILI>>>

0
TAZAMA HAPA TUKIO LA AINA YAKE,MADIWANI WA CHADEMA WALIOHAMIA CCM,WARUDI CHADEMA TENA

Hapa ni katika viwaja vya mahakama ya Mwanzo Nguzo nane mjini Shinyanga ambako leo kumefanyika mkutano wa aina yake ambao pengine unaweza kuuita mkutano wa kihistoria,mkutano ambao uliandaliwa na viongozi wa CHADEMA kanda ya ziwa mashariki wakiongozwa na mbunge wa Maswa mashariki Sylivester Kasulumbayi.Katika mkutano huo wale madiwani wa Chadema ambao mwezi Februari mwaka huu,walijiuzulu na kuhamia CCM,Zacharia Mfuko kutoka kata ya Masekelo na Sebastian Peter kata ya Ngokolo,leo wameomba radhi na kurudi CHADEMA.Miongoni mwa sababu walizozitaja kuchangia kuhama kwao CCM ni chama kinachochonganisha vyama walidanganywa kuhamia ACT lakini wamebaini kuwa ACT na CCM hawana tofauti hivyo kuamua kurudi chadema kwani ndiyo chama imara.Walisema waliahidiwa kuwa wahame Chadema waende CCM ili wajiunge na ACT ili waiimarishe lakini wameshindwa kutofautisha ccm na ACT.Ikumbukwe kuwa walihamia CCM wakidai CHADEMA hakifai kinaendekeza ubinafsi,ukabila n.k,ikafikia hatua wakaitwa madiwani mizigo.Picha na Kadama Malunde-Malunde1 blog

Aliyevaa nguo ya kijani(CCM) ni bwana Zacharia Mfuko diwani wa CHADEMA kata ya Masekelo katika manispaa ya Shinyanga baada ya kuwasili katika mkutano wa Chadema leo jioni,baadaye alivua nguo hizo na kuomba radhi kuwa alikosea njia baada ya kushawishiwa na viongozi wa CCM akiwemo Stephen Masele,Nape Nauye, Habib Mchange na viongozi wengine wengi ndani na nje ya chadema na CCM,na kueleza kuwa ccm hawana lolote badala ya kulaghai watu.

Kulia ni Sebastian Peter diwani wa Ngokolo akiwasili katika eneo la mkutano,leo.Katika hali ya kushangaza baada ya madiwani hao kuwasili kwenye mkutano vurugu za hapa na pale zilitawala takribani dakika 15 lakini baadaye hali ilikuwa shwari baada ya mbunge Kasulumbayi kutoka jimbo la Maswa mashariki kutumia akili na nguvu nyingi kutuliza wanachama wa Chadema waliokuwa na hasira na kutopendezwa na kitendo cha kuwaleta wasaliti wa chama eneo hilo.
 Hali ilikuwa tete,ngumi zikanukia,kulia ni mmoja wa viongozi wa chadema akikabiliana na wanachama wa chadema waliotaka kuleta vurugu uwanjani hapo.
 Madiwani wasaliti kama wanavyoitwa hivi sasa hapa Shinyanga,wakiwa na nguo za CCM wakiwa wamekaa na viongozi wa CHADEMA baada ya kuwasili eneo la mkutano jioni ya leo.

Mkutano huo ni wa aina yake umehudhuriwa na maelfu ya wananchi wa mkoa wa Shinyanga,kila mtu akiwa na lake moyoni.
Diwani Sebastian Peter kulia akinong'ona jambo na mbunge Kasulumbayi.Picha na Kadama Malunde-Malunde1 blog
BONYEZA HAPA KWA HABARI KAMILI>>>
Related Posts Plugin for WordPress, Blogger...